Tu sei qui: Frasi.net » frasi » segnalatori » rino vittozzi

Tutte le frasi segnalate da Rino Vittozzi

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

Di seguito trovi tutte le frasi segnalate da Rino Vittozzi. Potrebbero esserci più persone che si sono firmate con questo nome. Il confronto degli indirizzi e-mail, riportati tra parentesi se lasciati, può dare l'indicazione di eventuali casi di omonimia.

voti: 9; popolarità: 0; 0 commenti

categoria: Poesie

A MAMMA MIA

Oj vicchiarella cu ‘e capille ‘argiento
ca m’hê tenuto tanta vote mbraccia
e t’astrignive chiena ‘e sentimento ‘stu piccerillo tujo coppe a ‘sta faccia,

dì’! quanta vote tu mme diste latte
e, mentre mme cantave ‘e nonna nonna
io m’addurmevo e, quase tutt”e notte
stive scetata pe’ guardà ‘stu ninno?

Che palpate, che pene t’haggio dato,
che sacreficie ‘e fatte pe’ ‘stu bene!
A chistu criaturiello diste ‘a vita
e ‘o sango tujo mme scorre dint”e vvene.

Si tu sapisse nzuonno quanta vote
torno a sunnarte giovane e assai bella
e io ancora piccerillo…po’ mme sceto…
però ‘sta rialtà…nunn’è cchiù chella.

Oj vicchiarella cu ‘e capille ‘argiento
ca mm’hê tenuto tanta vote mbraccia,
astrigneme cu tutt”o sentimento
comme a tant’anne fa, ncoppo a ‘sta faccia.

Rino Vittozzi

Dal Volume
“CORE E FANTASIA”
Edizioni degli Artisti Napoli 1978

Rino Vittozzi

segnalata da Rino Vittozzi domenica 5 luglio 2009

URL:

torna su